پاکستان جیوے ،ہندوستان جیوے ،کل بہت بڑا چمتکار ہو گا ،سِدھو کی گورنر ہاﺅس چینل ۵ سے گفتگو

لاہور (صدف نعیم )سدھو کرتار پو ر راہداری کی افتتاحی تقریب میں شرکت کیلئے پاکستان پہنچ گئے جہاں ان کا واہگہ بارڈر پر شاندار استقبال کیا گیا تاہم اب وہ لاہور پریس کلب پہنچ گئے ہیں اور پریس کانفرنس بھی کی۔پریس کانفرنس سے خطاب کرتے ہوئے نوجوت سنگھ سدھو نے وزیراعظم عمران خان کو فرشتہ قرار دیتے ہوئے کہا کہ کل کا دن سکھوں کیلئے بہت خاص ہے اور کل تاریخ رقم ہو نے جارہی ہے۔ چینل ۵ کی نمائندہ صدف نعیم سے گورنر ہاﺅس میں گفتگو کرتے ہوئے نوجوت سنگھ سدھو نے بتایا کہ ان کا کہناتھا کہ تھا کہ یہ بہت بڑا چمتکار ہے جس پر سکھ برادری وزیراعظم عمران خان اور ہندوستان کی سرکار کی تہہ دل سے قرض دار ہیں۔سدھو نے ایک مرتبہ پھر سے ” ہندوستان جیوے پاکستان جیوے “ کا نعرہ لگاتے ہوئے کہا کہ حکومت پاکستان کے فیصلے سے سکھ برادری بہت ہی خوش ہت اور کل ہماری 73 سال پرانی امید پوری ہونے جارہی ہے۔ان کا کہناتھا کہ تین ماہ قبل آیاتھا جس پر بھارت میں بہت تنقید ہوئی لیکن یہاں لوگوں نے بہت پیار دیا۔ان کا کہناتھا کہ میں وزیراعظم عمران خان کا تہہ دل سے مشکور ہوں۔میں عمران خان کو عرصے سے جانتاہوں انہوں نے جو وعدہ کیا ہے وہ پورا ہوگا۔