اشتہاری نے ساتھیوں سے ملکر 2 خواتین اغوا کر لیں ، ” خبریں ہیلپ لائن “میں انکشاف

گوجرانوالہ (بیورو رپورٹ) ہر چوکی نوشہرہ ورکاں سے گوجرانوالہ آنیوالی 2خواتین اغوا رضیہ بی بی اور فاطمہ بی بی ویگن میں سوار ہوکر گوجرانوالہ آرہی تھیں اشتہاری ملزم وسیم عرف سیما، بشیر احمد، شبیر، توصیف اور علی حسنین نے اسلحہ کی نوک پر ویگن روکی رضیہ اورفاطمہ بی بی کو کار میں بٹھاکر زبردستی ساتھ لے گئے مدعی علی حسن نے پولیس کو دی جانیوالی درخواست میں بتایا ہے کہ سائل موضع ہر چوکی تحصیل نوشہرہ ورکاں ضلع گوجرانوالہ کا رہائشی ہے۔ گزشتہ روز قریب 10/11بجے دن میری والدہ مسماة رضیہ بی بی اور میری پھوپھی ٹیوٹا پر سوار ہوکر گوجرانوالہ آرہی تھی جب ٹیوٹا ہرچوکلی کی اعوان چوک کی طرف گیا قریب ایک کلومیٹر فاصلے پر گیا تو ملزمان مذکوران جوکہ مسلح آتشیں اسلحہ تھے نے زبردستی ٹیوٹے کو روک کر اسلحہ کی نوک پر میری والدہ اور میری پھوپھی کو ٹیوٹا سے نیچے اتار کر اغوا کرلیا۔ ملزمان کے پاس دو عدد 125، ایک کار ٹیوٹا کرولا رنگ کالا تھی جوکہ ملزمان نے مسماة مذکوران کو اغوا کرکے کار میں بٹھاکر اعوان چوک کی طرف چلے گئے۔ جملہ واقع موقع پر سید مسعود احمد ہاشمی ساکن کامونکی اور محمد عمران ولد غلام حیدر ساکن ہر چوکی نے بچشم خود دیکھا ہے ملزمان نے سابقہ رنجش کی بناءپر میری والدہ اور پھوپھی کو اغواءکیا ہے ہمارے ساتھ جو بڑا ظلم ہوا ہے پرچہ درج رجسٹرڈ کیا جائے اور ملزمان کو گرفتار کرکے سخت سزا دی جاوے اور میری والدہ اور پھوپھی کو برآمد کروایا جائے تاکہ سائل کی دادرسی ہوسکے۔ نمائندہ خبریں نے جب ایس ایچ او کو فون کیا تومتعلقہ ایس ایچ او نے فون ہی نہیں اٹھایا۔