بالی ووڈ کے دبنگ اداکار سلمان خان ایک تقریب کے دوران ہجوم میں پھنس گئے جس کے بعد ان کی سیکیورٹی پر سوالات اٹھنے لگے۔
بالی ووڈ کے سپر اسٹار سلمان خان کو ایک عوامی تقریب کے دوران غیر متوقع صورتحال کا سامنا کرنا پڑا، جس کے بعد ان کی سیکیورٹی کے انتظامات پر سنجیدہ سوالات اٹھنے لگے ہیں۔
یہ واقعہ ممبئی کے قریب تھانے کے ایک اسٹیڈیم میں پیش آیا جہاں اداکار مداحوں سے ملنے پہنچے تھے۔
تقریب کے دوران جیسے ہی سلمان خان اسٹیج کے قریب آئے، مداحوں کی بڑی تعداد بے قابو ہو کر ان تک پہنچنے کی کوشش کرنے لگی۔
دیکھتے ہی دیکھتے ہجوم اس قدر بڑھ گیا کہ سیکیورٹی اہلکاروں کے لیے حالات سنبھالنا مشکل ہوگیا اور کچھ دیر کے لیے صورتحال کشیدہ ہوگئی۔
