فرانس نے شامی صدر بشار الاسد کی گرفتاری کے لیے عالمی وارنٹ جاری کر دیے ہیں۔
عدالتی ذرائع اور مدعی نے بتایا کہ بشار الاسد کے خلاف وارنٹ کا اجرا 2013 میں اپنے سیاسی مخالفین کے خلاف مشتبہ کیمیائی حملے کرنے کی پاداش میں ہوا ہے۔
دعوی کے مطابق، شامی صدر کیمیائی ہتھیاروں کے استعمال کی اجازت دے کر جنگی جرائم کے مرتکب ہوئے ہیں۔
عدالتی ذرائع نے بتایا کہ بشار الاسد حملوں میں معاونت کی صورت میں جنگی جرائم کے مرتکب ہوئے ہیں۔
یاد رہے کہ ان حملوں میں دمشق کے قریب کم سے کم 1400 افراد لقمہ اجل بنے تھے۔
