ورسٹائل پاکستانی اداکارہ جگن کاظم نے اپنے بچوں اور ساتھیوں کے ساتھ ہالووین اپنے انداز میں منائی۔
اداکارہ جگن کاظم کی جانب سے سوشل میڈیا پر شیئر کی گئی ویڈیو میں دیکھا جاسکتا ہے کہ اداکارہ نے اپنے بچوں اور ان کے اسکول کے دوستوں کے لئے ہالووین پارٹی کا اہتمام کیا۔
اس موقع پر جگن کاظم نے خود بھی ہالووین کی مناسبت سے ڈراونہ لباس زیب تن کیا تھا جبکہ ان کا بیٹا اور بیٹی نے بالترتیب بیٹ مین اور بی (مکھی) کا حلیہ اپنایا ۔
انسٹاگرام پر اس پارٹی کی ویڈیو شیئر کرتے ہوئے جگن کاظم کا یہ بھی کہنا تھا کہ وہ جانتی ہیں کہ دنیا جل رہی ہے لیکن وہ چاہتی ہیں کہ ان کے بچوں کو ہولناکیوں کے بارے میں معلوم نہ ہو اور جب تک ممکن ہو انہیں سچائی سے بچایا جائے۔
