عثمان بزدار آج پھر نیب طلب، پیش نہ ہونے پر گرفتاری کا امکان

نیب لاہور کی جانب سے عثمان بزدار کو آج ذاتی حیثیت میں پیش ہونے کی ہدایت کی گئی ہے۔

دوسری جانب نیب ذرائع کا کہنا ہے کہ اگر سابق وزیراعلیٰ 30 اگست کو پیش نہیں ہوئے تو ان کے وارنٹ گرفتاری جاری کیے جائیں گے۔

گزشتہ دنوں بھی نیب نے سابق وزیر اعلیٰ کو مطلوبہ ریکارڈ کے ساتھ نیب کی کی مشترکہ تحقیقاتی ٹیم کے سامنے پیش ہونے کا سمن جاری کیا تھا۔

نیب عثمان بزدار کے خلاف آمدن سے زائد اثاثہ جات، مبینہ غیر قانونی تقررو تبادلوں کے کیس کی تحقیقات سمیت گندم کی برآمد میں مبینہ بے ضابطگیوں کی چھان بین کر رہا ہے۔

عثمان بزدار کے خلاف سرکاری محکموں کے ٹھیکوں میں بے ضابطگیوں اور کرپٹ پریکٹس کے الزامات کی بھی نیب میں تحقیقات جاری ہیں۔

واضح رہے کہ اس سے قبل بھی سابق وزیر اعلیٰ پنجاب عثمان بزدار کو متعدد بار نیب نے طلب کیا مگر وہ پیش نہیں ہوئے۔