شرح سود برقرار ،مہنگائی میں کمی متوقع ہے ، سٹیٹ بینک

کراچی : سٹیٹ بینک نے اگلے دو ماہ کیلئے شرح سود 22فیصد برقرار رکھنے کا فیصلہ کیا ہے ۔

تفصیلات کے مطابق گورنراسٹیٹ بینک نے نئی مانیٹری پالیسی کا اعلان کر دیا،گورنر اسٹیٹ بینک کا کہنا ہے کہ حکومتی اقدامات کی وجہ سے کرنٹ اکائونٹ میں بہتری آئی۔

شرح سود آئندہ2ماہ کیلئے 22فیصدپر برقراررہےگی،مہنگائی کی شرح میں کمی آئی ہے،6ماہ سے ہم مہنگائی کی پیشگوئی کررہے تھے۔

گزشتہ مالی سال کے اختتام پر مہنگائی کی شرح 29 فیصد رہی ،آئندہ مالی سال کیلئے کمیٹی 20 سے 22 فیصد مہنگائی کی توقع کررہی ہے۔

جولائی سے دسمبر میں مہنگائی میں معمولی کمی آئی ،مالی سال کی دوسرے ششماہی میں تیزی سے مہنگائی میں کمی آئے گی۔

مالی سال 2025 کے اختتام تک مہنگائی کی شرح 5 سے 7 فیصد آنے کی توقع ہے،اگلے سال کی جی ڈی پی گروتھ 2 سے 3 فیصد رہنے کی توقع ہے ،روس یوکرین جنگ کے اثرات ابھی تک خطے پر موجود ہیں۔