آسٹریلیا : (ویب ڈیسک) دنیا بھر میں مسلمان عیدالفطر منا رہے ہیں، اسی موقع پر ایک آسٹریلوی شہری عید کے موقع شور کی شکایت لے کر آیا لیکن اسلام قبول کرکے واپس لوٹ گیا۔
انسٹاگرام پر ایک ویڈیو وائرل ہے جس میں سفید کپڑوں میں ملبوس شخص کہہ رہا ہے کہ یہ یہ ہمارا بھائی سڑک کی دوسری طرف رہتاہے اس کا نام اوبرائن ہے۔
اس شخص نے مزید بتایا کہ اوبرائن آج صبح نماز عید کے دوران شور کی شکایت لے کر میرے پاس آیا، میں نے اس کے ساتھ پندرہ منٹ بات چیت کی اور انہیں کھانا کھلایا۔
اسی گفتگو کے دوران اللہ پاک نے انہیں ہدایت نصیب کی اور خواہش ظاہر کی کہ وہ گھر مسلمان ہو کر واپس جانا چاہتے ہیں، اس طرح آسٹریلوی شہری کلمہ پڑھ کر دین کی دولت سے مالامال کر اپنے گھر واپس لوٹ گیا۔
