اسلام آباد: (ویب ڈیسک) وزیر اعظم شہباز شریف سے پاکستان کرکٹ بورڈ کی عبوری مینجمنٹ کمیٹی کے چئیرمین نجم سیٹھی نے ملاقات کی۔
نجم سیٹھی نے وزیراعظم شہباز شریف کو پاکستان میں ادارہ جاتی کرکٹ کی بحالی پر بریفنگ دی، پاکستان سپر لیگ ایڈیشن 8 کے کامیاب انعقاد کیلئے کیے گئے اقدامات سے تفصیلا آگاہ کیا۔
وزیراعظم نے ملک میں کرکٹ کے فروغ کے لیے نجم سیٹھی کی کاوشوں کو سراہا، شہباز شریف نے چیئرمین عبوری مینجمنٹ کمیٹی پی سی بی کو سخت محنت اور لگن سے کام جاری رکھنے کی ہدایت کی۔
