لاہور(ویب ڈیسک)FINCA مائیکروفنانس بینک لمیٹڈ (FINCA Pakistan)، اپنا مائیکروفنانس بینک لمیٹڈ (Apna).
کے ساتھ انضمام کے قابل عمل ہونے کیلئے امکانات کا جائزہ لے رہا ہے۔دونوں بینک ملک سے غربت کے خاتمے کا مشترکہ عزم رکھتے ہیں.۔دونوں بینکوں نے اس حوالے سے ایک غیر مشروط لیٹر آف انٹینٹ پر دستخط کیے ہیں اور اسٹیٹ بینک نے اس حوالے سے جانچ پڑتال کی منظوری بھی دیدی ہے۔
یہ مشترکہ ادارہ پاکستان کے سب سے بڑے مائیکرو فنانس اداروں میں سے ایک ہوگا اور FINCA پاکستان کو مالیاتی تعلیم اور خدمات تک رسائی کے ذریعہ غریب کاروباری افراد کو غربت سے نکالنے کے اپنے مشن کی وسعت کیلئے با اختیار بنائیگا۔
FINCA پاکستان کے سی ای او جہانزیب خان کا کہنا ہے کہ ”FINCA پاکستان انتہائی کم آمدن والے کاروباری افرادکی مالی بہتری اور ان کے مستقبل اور ان کی کمیونٹیز میں سرمایہ کاری کیلئے پرعزم ہے۔انہوں نے مزید کہا کہ اگر یہ انضمام پایہ تکمیل تک پہنچتا ہے تو ہم دیہی اور شہری علاقوں میں اپنی مائیکرو فنانس کی خدمات کو بہتر بناسکیں گے اور خواتین اور دیہی صارفین پر زیادہ توجہ دیں سکیں گے،ہم اپنا کے بارے میں مزیدجاننے کیلئے پر تجسس ہیں۔“
FINCA پاکستان،ایک تجربہ کار انتظامی ٹیم اور عملہ،مضبوط برانڈ ساکھ،ڈیجیٹل مالیاتی خدماتاور بین الاقوامی سطح پر تسلیم شدہ بینکاری معیارات پر عمل کیلئے کوشاں ہے۔FINCAپاکستان،پاکستان کا پہلا مائیکرو فنانس بینک ہے،جس نے ملک میں اسمارٹ سرٹیفکیشن معیارات کے تحت کلائنٹ پروٹیکشن سرٹیفکیشن حاصل کی۔
FINCAپاکستان،16مائیکرو فنانس بینکوں پر مشتمل ایک عالمی نیٹ ورک FINCA Impact Finance (FIF), کا حصہ ہے،جو مائیکرو فنانس اور مالی شمولیت میں معلومات،وسائل اور بہترین اطوار شیئر کرتا ہے۔تقریباً40سالوں نے FINCA کے مائکرو فنانس بینکوں اور اداروں نے لاکھوں لوگوں کو مالی طور پر مضبوط بنانے کیلئے با اختیار بنایا ہے۔
