اسلام آباد:(ویب ڈیسک) نگران وزیراعلیٰ پنجاب کی تقرری کیلئے الیکشن کمیشن کا مشاورتی اجلاس آج متوقع ہے۔ ذرائع الیکشن کمیشن کا کہنا ہے کہ پارلیمانی کمیٹی کی مدت گزشتہ شب 10 بجے ختم ہوگئی ہے، الیکشن کمیشن مشاورت کے بعد نگران وزیر اعلیٰ کے نام کا اعلان کرے گا۔ یہ بھی پڑھیں:پنجاب کا نگران وزیراعلیٰ کون ہوگا؟ فیصلہ الیکشن کمیشن کرے گا ذرائع کے مطابق الیکشن کمیشن 2 روز میں نگران وزیر اعلیٰ کا فیصلہ کرنے کا پابند ہے، گزٹ نوٹیفکیشن کی کاپی، صدر، وزیراعظم اور گورنر کو بھی بھجوائی جائے گی۔ یاد رہے کہ نگران وزیراعلیٰ پنجاب کیلئے محسن رضا نقوی، احد چیمہ ، نوید اکرم چیمہ اور احمد نواز سکھیرا نامزد ہیں۔