کراچی: (ویب ڈیسک) پاکستان تحریک انصاف (پی ٹی آئی) کے اراکین سندھ اسمبلی نے ایوان سے فوری طور پر مستعفی نہ ہونے کا فیصلہ کیا ہے، پنجاب و خیبر پختونخوا اسمبلی کی تحلیل کے بعد پی ٹی آئی قیادت نے سندھ اسمبلی سے بھی مستعفی ہونے کا فیصلہ کیا تھا۔
ذرائع کے مطابق پی ٹی آئی کے چیئرمین عمران خان نے اراکین سندھ اسمبلی کو مستعفی نہ ہونے کی ہدایت کی ہے، جبکہ پی ٹی آئی کی سندھ اسمبلی میں پارلیمانی پارٹی کا اجلاس کل متوقع ہے۔
اس حوالے سے سندھ اسمبلی میں تحریک انصاف کے پارلیمانی لیڈر خرم شیر زمان نے کہا ہے کہ تاحال سندھ اسمبلی سے مستعفی ہونے کا فیصلہ نہیں ہوا، ہم نے اپنے استعفے پارٹی قیادت کو جمع کروا دیے ہیں۔
