کراچی: (ویب ڈیسک) نیوزی لینڈ کیخلاف پہلے ون ڈے میچ کے بعد عبوری چیف سلیکٹر شاہد آفریدی نے ٹیم کیلئے تعریفی ٹوئٹ کی ہے۔
کراچی میں پاکستان نے پہلے ون ڈے میں گرین شرٹس نے کیویز کی جانب سے 256 رنز کا ہدف 49 ویں اوور میں 4 وکٹوں کے نقصان حاصل کرلیا اور یوں کیویز کو 6 وکٹوں سے شکست ہوئی۔
پاکستان کی فتح کے بعد عبوری سلیکشن کمیٹی کے سربراہ شاہد خان آفریدی نے اپنی ٹوئٹ میں کہا کہ ’شاندار کوشش اور کارکردگی پر بابر اعظم اور پوری ٹیم کو مبارکباد پیش کرتا ہوں۔
انہوں نے کہا کہ آج ہم نے کھیل کے ہر شعبے میں نیوزی لینڈ کو آؤٹ کلاس کردیا، بابر، نسیم، اسامہ ، حارث اور رضوان کیلئے بڑا دن، فخر نے بھی اچھا آغاز فراہم کیا، امید ہے ہم دوسرے میچ میں بھی اسے برقرار رکھیں گے۔‘
