پشاور: (ویب ڈیسک) افغانستان میں طالبان حکومت آنے کے بعد خیبر پختونخوا میں دہشتگردی کے واقعات میں اضافہ ہوا ہے۔
پولیس رپورٹ کے مطابق پشاور،رواں سال خیبرپختونخوا پولیس پر حملوں کے 151 کیسز سامنے آئے، جنوری سے نومبر تک حملوں میں 105 پولیس اہلکار شہید جبکہ 109زخمی ہوئے ہیں۔
اپریل میں سب سے زیادہ شہادتیں ریکارڈ ہوئیں جن کی تعداد 16 تھی، ستمبر میں 19 پولیس اہلکار حملوں میں زخمی ہوئے، رواں ماہ حملوں میں 10 پولیس اہلکار شہید جبکہ 7 زخمی ہوئے۔
آئی جی معظم جاہ انصاری نے کہا کہ پولیس کی موبائل گاڑیاں دہشتگردوں کیلئے آسان ہدف ہیں، 2021 میں افغانستان حکومت کی تبدیلی کے بعد دہشتگرد رہا ہوئے۔
رپورٹ میں یہ بھی کہا گیا ہے کہ امریکا کا چھوڑا ہوا اسلحہ خیبرپختونخوا کیخلاف استعمال ہورہا ہے۔
