واشنگٹن: (ویب ڈیسک) امریکی خاتون اول جِل بائیڈن کا کورونا ٹیسٹ دوبارہ مثبت آگیا ہے۔
غیر ملکی خبر ایجنسی کے مطابق کمیونیکیشن ڈائریکٹر وائٹ ہاؤس نے امریکی خاتون اول کا کورونا ٹیسٹ کا نتیجہ مثبت آنےکی تصدیق کی ہے۔
کمیونیکیشن ڈائریکٹرکا کہنا ہےکہ جِل بائیڈن میں کورونا وائرس کی علامات دوبارہ ظاہر نہیں ہوئیں، وہ ڈیلاویئر میں آئسولیشن میں رہیں گی۔
وائٹ ہاؤس کا کہنا ہےکہ خاتون اول کا کورونا ٹیسٹ دوبارہ مثبت آنے پر امریکی صدر 10 روز تک ماسک لگائیں گے۔
خیال رہےکہ 3 روز قبل ہی جِل بائیڈن کا کورونا ٹیسٹ منفی آیا تھا جس کے بعد انہوں نے 5 روزہ آئسولیشن ختم کرلی تھی۔
