لاہور: (ویب ڈیسک) چیف جسٹس لاہور ہائی کورٹ جسٹس محمد امیر بھٹی فریضہ حج کی ادائیگی کے لیے سعودی عرب روانہ ہوگئے۔ جسٹس محمد امیر بھٹی کی فریضہ حج کی ادائیگی کے لیے سعودی عرب روانگی پر سینیئر ترین جج جسٹس ملک شہزاد احمد خان نے بطور قائم مقام چیف جسٹس ہائی کورٹ حلف اٹھالیا ہے۔ لاہور ہائی کورٹ کےجسٹس شجاعت علی خان نے قائم مقام چیف جسٹس سےحلف لیا۔ قائم مقام چیف جسٹس کی تقریب حلف برداری میں ہائی کورٹ کے ججز اور وکلا رہنماؤں نے شرکت کی۔
