کراچی: (ویب ڈیسک) انٹربینک مارکیٹ میں ڈالر 73 پیسے مزید مہنگا ہو گیا، پاکستانی روپے کے مقابلے امریکی کرنسی کی قدر میں اضافہ مسلسل 6 روز سے جاری ہے۔
کاروباری ہفتے کے پانچویں روز ڈالر 53 پیسے اضافے سے 187 روپے 50 پیسے پر فروخت ہوا، لین دین کے دوران 20 پیسے کا مزید اضافہ دیکھنے میں آیا اور ڈالر کا انٹر بینک میں ریٹ 187 روپے 70 پیسے پر پہنچ گیا۔ واضح رہے کہ گزشتہ چھ روز کے دوران ڈالر کی قیمت میں 5.95 روپے کا اضافہ ہوا ہے، 16 اپریل کو ڈالر 181.55 روپے پر بند ہوا تھا۔
گذشتہ روز ڈالر 1 روپے 5 پیسے مہنگا ہوا تھا جس کے بعد 186 روپے 97 پیسے کے ریٹ پر بند ہوا۔
