لاہور: (ویب ڈیسک) میچ فکسنگ بددیانتی مگر دھوکا دہی نہیں ہے جب کہ عدالت نے کرناٹکا پریمیئر لیگ کے فکسرز کیخلاف چارج شیٹ مسترد کردی۔ 2018اور 2019کے سیزن میں فکسنگ کے واقعات کو دیکھتے ہوئے پولیس نے 3 کرکٹرز اور ایک ٹیم آفیشل کیخلاف تحقیقات کا آغاز کیا تھا،کیس کی سماعت کرتے ہوئے کرناٹکا ہائیکورٹ نے قرار دیا کہ فکسنگ کو بددیانتی کہا جا سکتا ہے مگر انڈین پینل کوڈ کے تحت دھوکا دہی میں زمرے میں نہیں رکھا جا سکتا۔ عدالت نے کہا کہ بددیانتی،نظم وضبط کی خلاف ورزی کا معاملہ ہونے کی وجہ سے یہ کیس بھارتی کرکٹ بورڈ کو دیکھنا چاہیے،ملزموں کیخلاف ایف آئی آر درج کرنے کی اجازت نہیں دی جا سکتی۔
