انڈر19 ایشیا کپ 2021 کے فائنل میں بھارت نے سری لنکا کو شکست دے کر ٹائٹل اپنے نام کرلیا۔
دبئی میں کھیلے گئے فائنل میچ میں سری لنکا نے ٹاس جیت پہلے بیٹنگ کرنے کا فیصلہ کیا جو کہ غلط ثابت ہوا اور سری لنکن ٹیم بارش سے متاثرہ میچ کے مقررہ 38 اوورز میں 9 وکٹوں کے نقصان پر 106 رنز ہی بناسکی۔
سری لنکن ٹاپ آرڈر بری طرح ناکام رہااور صرف ایک کھلاڑی ڈبل فیگرز میں داخل ہوسکا۔
یاسرو روڈریگو 19 ناٹ آؤٹ، روین ڈی سلوا 15 جبکہ سدیشاراجاپکسا اور متھیشا پتھیرانا 14،14 رنز بناکر نمایاں رہے۔
بھارت کی جانب سے وکی اوستوال نے 3 ،کوشال تامبے نے 2 جبکہ ہنگارگیکر، روی کمار اور راج باوا نے ایک ایک وکٹ حاصل کی۔
بھارت کو ڈک ورتھ لوئس طریقہ کار کے تحت 32 اوورز میں 102 رنز کا ہدف ملا جو اس نے باآسانی 22 ویں اوور میں ایک وکٹ کے نقصان پر حاصل کرلیا۔
انگکرش رگھوونشی 56 اور شیخ رشید 31 رنز بناکر ناٹ آؤٹ رہے جبکہ ہرنور سنگھ 5 رنز بناسکے۔
سری لنکا کی جانب سے واحد وکٹ یاسروروڈریگو نے حاصل کی۔
