کراچی میں 13 سال بعد دسمبر کا سرد ترین دن ریکارڈ کیا گیا۔
محکمہ موسمیات کے مطابق آج کا درجہ حرارت 19 ڈگری سینٹی گریڈ ریکارڈ کیا گیا ہے ، آج کی رات بھی کافی سرد ہوگی ، سنگل ڈجٹز میں درجہ حرارت ریکارڈ ہوسکتے ہیں۔
واضح رہے کہ دسمبر 2008 کو سرد ترین دن 19.6 ڈگری سینٹی گریڈ ریکارڈ کیا گیا تھا۔
آج کراچی شہر میں بارش کا سلسلہ جاری رہا ، کہاں کتنی بارش ہوئی محکمہ موسمیات نے اعداد و شمار جاری کردئیے ہیں۔
محکمہ موسمیات کے مطابق سب سے زیادہ بارش بیس فیصل میں 23.5 ،بیس مسرور 17 ،ناظم آباد میں16.2 ملی میٹر ریکارڈ کی گئی۔
یونیورسٹی روڈ 16،حدید 15 ، اولڈ ایئرپورٹ 14.7 ،جناح ٹرمینل 13،نارتھ کراچی 12.3 ، اورنگی ٹاؤن 12.5،سرجانی ٹاؤن 12.4،کیماڑی میں 12 ، سعدی ٹاؤن 11 اور سپر ہائی وے 10.1 ملی میٹر بارش ریکارڈ کی گئی۔
آج زیادہ سے زیادہ درجہ حرارت 19 ڈگری سینٹی گریڈ اور کم سے کم درجہ حرارت 16 ڈگری سینٹی گریڈ ریکارڈ کیا گیا۔
