اسلام آباد: ضلعی عدلیہ میں نو سال قبل غیرقانونی بھرتیوں کا انکشاف ہوا ہے، جس کے بعد پانچ ججز کیخلاف باقاعدہ انکوائری شروع کردی گئی ہے۔
جسٹس بابر ستار کی سربراہی میں انکوائری کمیٹی کے فریقین کو نوٹسز جاری کردئے گئے ہیں۔
ایک سو تین غیر قانونی بھرتیوں میں پانچ ججز اور ڈپٹی رجسٹرار کیخلاف انکوائری کا آغاز ہوچکا ہے۔
سیشن جج واجد علی، ایڈیشنل سیشن جج عبدالغفور کاکڑ، ڈپٹی رجسٹرار امتیاز احمد، سینئیر سول جج عامر عزیز کیخلاف انکوائری شروع کی جاچکی ہے۔
سابق سیشن ججز کوثر عباس زیدی اور عتیق الرحمان کے خلاف بھی انکوائری کا آغاز کردیا گیا ہے۔
2012ء میں اسلام آباد کی ضلعی عدلیہ میں 103 ریڈر، ناظر، ریکارڈ کیپر بھرتی ہوئے تھے۔
اکاونٹس کمیٹی نے بھرتیوں میں بڑے پیمانے پر بےضابطگیوں کا انکشاف کیا تھا۔
جس پر چیف جسٹس اسلام آباد ہائیکورٹ اطہر من اللہ نے انکوائری میں تاخیر پر نوٹس لیتے ہوئے فوری ریگولر انکوائری کا حکم دیا تھا۔
