جارح مزاج قومی بلے باز آصف علی کو آئی سی سی پلئیر آف دی منتھ (اکتوبر) قرار دے دیا گیا۔
آصف علی نے نمیبیا کے جنوبی افریقی نژاد آل راؤنڈر ڈیوڈ ویزے اور بنگلہ دیش کے شکیب الحسن کو شکست دے کر یہ اعزاز اپنے نام کیا۔
انہیں نیوزی لینڈ اور افغانستان کے خلاف ناقابل فراموش اننگز کھیلنے پر پلیئر آف دی منتھ قرار دیا گیا ہے۔
آصف علی نے نیوزی لینڈ کے خلاف 12 گیندوں پر ناقابل شکست 27 رنز بنائے تھے جبکہ افغانستان کے خلاف ایک ہی اوور میں چار چھکے لگاکر فتح باآسانی پاکستان کے نام کی تھی۔
دوسری جانب خواتین کرکٹرز میں آئرلینڈ کی لورا ڈیلانی پلیئر آف دی منتھ قرار پائی ہیں۔
