عوامی سواری عوام کی پہنچ سے دور ہونے لگی،ہنڈا نے موٹرسائیکلوں کی قیمتوں میں ایک مرتبہ پھر خود ساختہ طور پر اضافہ کردیا ہے۔
موٹرسائیکل بنانے والی معروف کمپنی اٹلس ہنڈا نے ایک مرتبہ پھر موٹرسائیکلز کی قیمتوں میں ساڑھے 6 ہزار روپے تک اضافہ کیاہے۔
پاک وہیلز کی جانب سے جاری کردہ رپورٹ کے مطابق کمپنی کی سب سے مشہور بائیک ہنڈا سی ڈی 70 کی قیمت میں 4000 روپے کا اضافہ کیا گیا ہے جس کے بعد بائیک کی نئی قیمت 98900 روپے ہو چکی ہے جبکہ پرانی قیمت 94900 روپے تھی۔ اسی طرح سی ڈی 70 ڈریم کی قیمت میں بھی 4000 ہزار روپے کا اضافہ کیا گیا جس کے بعد بائیک کی قیمت 97000 روپے سے بڑھ کر 101500 روپے ہو چکی ہے۔
ہنڈا پرائیڈر کی قیمت میں بھی 5000 روپے اضافے کے بعد نئی 130500 روپے مقرر کی گئی ہے جبکہ پرانی قیمت 125500 روپے تھی۔
ہنڈا سی جی 125 کی قیمت 147000 روپے سے بڑھ کر 152000 روپے ہو گئی ہے۔ یعنی اس بائیک کی قیمت میں بھی 5000 ہزار روپے اضافہ کیا گیا ہے۔ اسی طرح ہنڈا سی جی 125 ایس ای کی قیمت میں بھی 5000 روپے اضافہ کیا گیا ہے جس کے بعد بائیک کی قیمت 177000 روپے سے بڑھ کر 182000 روپے ہو چکی ہے۔
ہنڈا سی بی 125 ایف کی قیمت میں 6000 روپے اضافہ دیکھا گیا ہے جس کے بعد بائیک کی قیمت 218500 روپے ہو چکی ہے جبکہ پرانی قیمت 212000 روپے تھی۔
ہنڈا سی بی 150 ایف کی نئی قیمت 273000 روپے مقرر کی گئی ہے جبکہ پرانی قیمت 267000 روپے تھی یعنی اس بائک کی قیمت میں بھی 6500 روپے اضافہ کیا گیا ہے۔
ہنڈا سی بی 150ایف کی قیمت میں بھی 6500 روپے اضافہ کیا گیا ہے جس کے بعد بائیک کی قیمت 271000 روپے سے بڑھ کر 277500 روپے ہو گئی ہے۔
بائیکس کمپنیز مسلسل قیمتوں میں اضافہ کر رہی ہیں اور دلچسپ بات یہ ہے کہ اس کی کوئی معقول وجہ بھی نہیں بتائی گئی۔ قیمتوں میں اضافہ عام لوگوں کی قوت خرید کو متاثر کرے گا کیونکہ موٹر سائیکل عام لوگوں کی سواری ہے۔ حکومت کو قیمتوں میں اضافے کا نوٹس لینے کی ضرورت ہے تاکہ شہریوں کو ریلیف دیا جا سکے۔
