کراچی: سندھ اسمبلی نے مالی سال 2021-2022 کا بجٹ کثرت رائے سے منظور کر لیا۔
اسپیکر سندھ اسمبلی آغا سراج درانی کی زیر صدارت ہونے والے اجلاس میں بجٹ منظور ہونے پر اپوزیشن اراکین کی جانب سے شدید نعرے بازی کی گئی۔
حکومتی اراکین وزیر اعلیٰ سندھ مراد علی شاہ کے گرد جمع ہو گئے جبکہ اپوزیشن کی جانب سے گو کرپشن گو کے نعرے لگائے گئے۔
اسپیکر آغا سراج درانی نے سندھ اسمبلی کا اجلاس پیر کی دوپہر 2 بجے تک ملتوی کر دیا۔
خیال رہے کہ چند روز قبل وزیراعلیٰ اور وزیر خزانہ سندھ مراد علی شاہ نے صوبے کا 1477 ارب روپے کا بجٹ پیش کیا تھا۔
