لاہور (ویب ڈیسک ) نیب نے مسلم لیگ ن کے رہنما خواجہ آصف کو گرفتار کرلیا۔
تفصیلات کے مطابق خواجہ آصف کو نیب اسلام آباد نے نیب لاہور کی درخواست پر گرفتار کیا ہے۔ خواجہ آصف کے خلاف آمدن سے زائد اثاثوں کا کیس ہے ۔ انہیں کل (بدھ کو ) احتساب عدالت میں راہداری ریمانڈ کیلئے پیش کیا جائے گا۔
ذرائع کا کہنا ہے کہ خواجہ آصف کے خلاف 22 کروڑ روپے کی بے ضابطگی کا کیس ہے۔
دوسری جانب مسلم لیگ ن کی ترجمان مریم اورنگزیب نے خواجہ آصف کی گرفتاری کی تصدیق کردی ہے۔ انہوں نے کہا ہے کہ خواجہ آصف کو نیب اسلام آباد نے ن لیگ کے سیکرٹری جنرل احسن اقبال کے گھر سے گرفتار کیا ہے۔
