ویب ڈیسک : وفاقی وزیر ریلوے شیخ رشید کی جانب سے محکمہ ریلوے میں ایک لاکھ نوکریاں دینے کا اعلان کیا گیا ہے۔
تفصیلات کے مطابق وزیر ریلوے نےکورونا سے صحت یاب ہونے کے بعد راولپنڈی اسٹیشن پر میڈیا سے گفتگو کرتے ہوئے کہا کہ پاکستان ریلوے کا سارا نظام بدل دیں گے، ریلوے کو پاؤں پر کھڑا کریں گے ایسا نظام لائیں گے کہ ریلوے تبدیل ہو جائے گی۔
شیخ رشید احمد نے کہا کہ میرٹ اور شفافیت کا نظام لائیں گے، ایم ایل ون میراخواب تھا جو حقیقت میں بدل گیا ہے۔