راولپنڈی(نیوز رپورٹر) خبریں اور چینل فائیو کی خبر پر ایکشن لیتے ہوئے ڈرگ کنٹرول اتھارٹی راولپنڈی حرکت میں آ گئی ، ڈپٹی ڈرگ کنٹرولر راولپنڈی نے اپنی ٹیم کے ہمراہ خبریں اور چینل فائیو کی ٹیم کے ساتھ راولپنڈی کے بازاروں میں واقع میڈیکل سٹوروں اور فار میسیز کا اچانک معائنہ کیا کہ کہاں کہاں بھارتی ادویات فروخت کی جا رہی ہیں،گزشتہ روز ڈپٹی ڈرگ کنٹرولر نوید انور نے اپنی ٹیم کے ہمراہ راولپنڈی میں راجہ فار میسی ، ڈی واٹس، ڈی کیئر، نیو ڈرگ فیئر کیمسٹ ایند سرجیکل ، اورینج فارمیسی سمیت دیگر میڈیکل ستروں اور فارمیسیز کا معائنہ کیا جہاں پر ڈپٹی کنٹرولر نے فروخت کی جانے والی اودیات کو چیک کیا ان کا ریکارڈ چیک کیا اور ہر دوائی کو باریک بینی سے چیک کیا ان کے ریکارڈ کے متعلق مالکان سے دریافت کیا کہین غیر قانونی طور پر ادویات کی فروخت تو نہیں کی جا رہی، چیکنگ کے دوران جان بچانے والی ادویات سمیت دیگر بیماریوں کیلئے ادویات کا ریکارڈ بھی چیک کیا، اس موقع پر دپٹی ڈرگ کنٹرولر نے مالکان کو سختی سے ہدایات دیں کہ اگر کوئی بھی ڈرگ ایکٹ کی خلاف ورزی کرے گا اس کے خلاف سخت قانونی کارروائی عمل میں لائی جائے گی اور ڈرگ کنٹرول اتھارٹی راولپنڈی کی ٹیم گاہے بگاہے اچانک چیکنگ کا سلسلہ جاری ری رکھے گی، رپورٹ کے مطابق خبریں اور چینل فائیو کی ٹیم جب راولپنڈی ڈرگ کنٹرول اتھارٹی کے ساتھ چیکنگ کیلئے بازاروں میں پہنچی تو ہلچل مچ گئی اور مبینہ طور پر غیر قانونی طور فروخت کی جانے والی ادویات کو مارکیٹ سے غائب کر دیا گیا، واضع رہے کہ خبریں اور چینل فائیو نے اس بات کی نشاندہی کی تھی کہ اکثر فارمیسیز اور میڈیکل سٹوروں پر بھارت سے درآمد کی جانے والی متعدد ادویات کی فروخت جا ری ہے ، جس پر پنجاب ڈرگ کنٹرول اتھارٹی نے چیکنگ کی ہدایات کی تھیں۔
