لاہور (ویب ڈیسک )پاکستان میں ادویات کے تمام فارمولے ہونے کے باوجود حکومت نے مختلف دواو¿ں کے 467 فارمولے بھارت سے منگوا لیے، ان فارمولوں کی آڑ میں سینکڑوں بھارتی ادویات بھی پاکستان آنے لگیں ، سر وایڈ اور ذکا ءفارمیسی سمیت دیگر میڈیکل سٹوروں پر مہنگے داموں فروخت کی جارہی ہیں،85فیصد ادویات کے فارمولے ایسے ہیں جو پاکستان کی لوکل فارما انڈسٹری خود بھی تیار کر رہی ہیںاس کے باوجود حیرت انگیز طور پر وفاقی وزارت صحت نے بھارت سے ادویات منگوانے کی اجازت دے دی ،خبریں ، چینل فائیو کی ٹیم نے بھارتی دوائیں حاصل کرنے کے لیے صوبائی دارالحکومت کے سروایڈ فارمیسی اور ذکاءفارما سمیت مختلف میڈیکل اسٹورز میں بھارتی دوائیں چیک کی جو آسانی سے میسر تھیں۔ بھارت سے جان بچانے والی ادویات منگوانے کے نام پر وٹامن سمیت سینکڑوں ادویات ملک میں درآمد ہو کر بھاری داموں فروخت ہونے لگیں ہیں۔نامور فارمیسی سروایڈ سمیت متعدد فارمیسیاں پر بھارت سے آنے والی دوائی MY Hep اور دیگر ادویات کی فروخت زور شور سے جاری ہے ۔ یادرہے کہ 5 اگست 2019 کو بھارت کو کشمیر سے الحاق کرنے کے فیصلے کے بعد وفاقی حکومت نے 9 اگست کو بھارت کے ساتھ ہر طرح کی تجارت معطل کردی تھی ۔ خبریں کو موصول ہونے والی 5 مئی کو وفاقی کابینہ کے سامنے پیش کی گئی وزارت قومی صحت کی دستاویز کے مطابق بی سی جی ، پولیو اور اینٹی ٹیٹنس ویکسین سمیت متعدد ویکسینیں سمیت بی 1 ، بی 2 ، بی 6 ، بی 12 ، ڈی 3 ، زنک سلفیٹ مونوہائیڈریٹ سمیت متعدد وٹامنز بھی بھارت سے درآمد کیے جارہے تھے۔ ابتدائی طور پر دوا سازی کی صنعت نے حکومت کے فیصلے سے قبل ہندوستان سے درآمد شدہ سامانوں کی منظوری کے لئے حکومت کے فیصلے میں نرمی کی اپیل کی تھی اپیل کے بعد حکومت نے قواعد میں نرمی کرنے کا فیصلہ کیا تھا ۔دوسری جانب ادویات ساز کمپنی مافیا نے یہ بھی دھمکی دے رکھی ہے کہ اگر بھارت سے ادویات اور خام مال درآمد کرنے پر لگائی گئی پابندی کو ختم کیا جائے ورنہ مستقبل میں ملک کو شدید مشکلات کا سامنا کرنا پڑ سکتا ہے۔ اگر بھارت سے ادویات اور ان کے خام مال کی درآمد پر پابندی عائد کردی گئی تو کینسر کے مریضوں کو تکلیف ہوگی۔
