کراچی :(ویب ڈیسک)کراچی کے علاقے ڈیفنس سے پنجاب اسمبلی کے رکن کی جواں سالہ بیٹی کی لاش برآمد کی گئی۔گزری پولیس کے مطابق 19 سالہ شفا ممتاز چند کی لاش ڈیفنس فیز 6 میں خیابان راحت پر واقع ان کے گھر سے برآمد کی گئی۔شفا کو کلفٹن میں ساو¿تھ سٹی ہسپتال لے جایا گیا جہاں ڈاکٹروں نے انہیں مردہ قرار دیا۔پولیس کا کہنا تھا کہ لڑکی کی موت کی اصل وجہ پوسٹ مارٹم کے بعد سامنے آئے گی۔ایک سینئر پولیس افسر نے نام ظاہر نہ کرنے کی شرط پربتایا کہ ڈاکٹروں کی رپورٹ کے مطابق لڑکی کے جسم پر بظاہر زخموں کے کوئی نشان نہیں ہیں۔ان کا کہنا تھا کہ متوفی پنجاب اسمبلی کے رکن ممتاز چند کی صاحبزادی تھیں۔متوفی کے اہلخانہ نے پولیس کو بتایا کہ وہ لاش کے پوسٹ مارٹم کا فیصلہ اس وقت کریں گے جب لڑکی کے والد پنجاب سے آئیں گے۔
