آسٹریلوی بولر پر پابندی، پاکستان کے خلاف ٹیسٹ سیریز سے باہر

آسٹریلیا کرکٹ بورڈ نے آسٹریلوی فاسٹ بولر جیمز پٹینسن کو ’غیرمناسب رویہ اختیار کرنے پر‘ پاکستان اور آسٹریلیا کے مابین جاری ٹیسٹ سیریز سے باہر کردیا گیا۔غیر ملکی خبر رساں ادارے اے ایف پی کے مطابق گزشتہ ہفتے کوئینز لینڈ کے خلاف وکٹوریہ کے شیفیلڈ شیلڈ کھیل کے دوران جیمز پٹینسن نے آسٹریلیا کرکٹ بورڈ کے ضابطہ اخلاق کی خلاف ورزی کی تھی۔مزید پڑھیں: پاکستان کے خلاف ٹیسٹ سیریز کے لیے آسٹریلین اسکواڈ کا اعلانتاہم یہ واضح نہیں کیا گیا کہ انہوں نے مخالف ٹیم کے کھلاڑیوں کو کیا کہا لیکن گورننگ باڈی نے ان پر ‘فیلڈنگ کے دوران کسی کھلاڑی کے ساتھ غیرمناسب رویہ’ اختیار کرنے پر سزا دی۔خیال رہے کہ گزشتہ 18 ماہ میں جیمز پٹینسن نے تیسری بار ضابطہ اخلاق کی خلاف ورزی کی ہے۔سی اے کے سربراہ شان کیرول نے اعلامیے میں کہا کہ ‘ہمارا فرض ہے کہ ہم اعلی معیار کے حامل رویوں کو برقرار رکھیں اور یہ کارروائی اس بات کا ثبوت ہے’۔یہ بھی پڑھیں: آسٹریلیا کے فاسٹ باؤلر کمینز انجر کا شکارجیمز پٹینسن پر پابندی نے مچل اسٹارک کے لیے جمعرات سے برسبین میں ہونے والے ٹیسٹ میچ میں اپنی پرفارمنس سے متاثر کرنے کا موقع پیدا کردیا ہے۔اپنے جرم کا اعتراف کرنے والے جیمز پٹینسن نے کہا ‘مجھ سے گرما گرمی میں غلطی ہوئی’۔انہوں نے کہا کہ ‘غلطی کا احساس فوراً ہی ہوگیا تھا، میں نے غلطی پر حریف اور امپائر دونوں سے فوری طور پر معافی بھی مانگی’۔جیمز پٹینسن نے کہا کہ ‘میں نے غلط کام کیا ہے لہٰذا مجھے سزا بھی قبول ہے، مجھے ٹیسٹ میچ سے محروم کیے جانے کا افسوس ہے لیکن معیارات کی پاسداری پر سمجھوتہ نہیں کیا جاسکتا اور غلطی مجھ سے ہوئی ہے’۔