ارب پتی ماڈل کایلی جینر کو ہراساں کرنے والا شخص گرفتار

دنیا کی کم عمر ترین سیلف میڈ ارب پتی خاتون کا اعزاز حاصل کرنے والی ماڈل و ٹی وی اسٹار 22 سالہ کایلی جینر کو تنگ اور ہراساں کرنے والے شخص کو گرفتار کرلیا گیاکی  برینڈن سیبسٹین نامی شخص امریکی ماڈل کایلی جینر کے گھر میں بغیر اجازت داخل ہونے کے بعد دروازے پر زور سے ہاتھ مارتا رہا جبکہ اس دوران چیخ و پکار کے ساتھ اس نے کایلی سے ملنے کا مطالبہ بھی کیا۔رپورٹس کے مطابق اس دوران کایلی اپنے گھر میں موجود نہیں تھی، تاہم گھر میں موجود سیکیورٹی نے فوری طور پر پولیس بلائی جس کے بعد اس شخص کو گرفتار کرلیا گیا۔تفشیش کے بعد برینڈن سیبسٹین کے پاس سے شیشے کا ایک پائپ بھی برآمد ہوا۔بعدازاں ماڈل کی جانب سے درج کردہ شکایت کے بعد برینڈن سیبسٹین کو ایک سال جیل کی سزا سنائی گئی، اس کے علاوہ اسے کایلی جینر اور ان کی گاڑی سے 100 گز کی دوری پر رہنے کا بھی حکم دیا گیا۔رپورٹس میں مزید بتایا گیا کہ ماڈل اس واقعے کے بعد بےحد خوفزدہ ہیں، جو اپنی اور اپنی ایک سالہ بیٹی اسٹورمی کی سیکیورٹی کے لیے کافی پریشان ہیں۔