آسٹریلیا (ویب ڈیسک)دورہ آسٹریلیا کے لیے منتخب کیے گئے پاکستان کے نوجوان فاسٹ باو¿لر نسیم شاہ نے قائد اعظم ٹرافی میں شاندار باو¿لنگ کا مظاہرہ کرتے ہوئے آسٹریلین ٹیم کے لیے خطرے کی گھنٹی بجا دی ہے۔پاکستان کرکٹ بورڈ نے دورہ آسٹریلیا کے لیے ٹیسٹ اسکواڈ میں نوجوان فاسٹ باو¿لر موسیٰ خان اور نسیم شاہ کو بھی شامل کیا ہے۔16سالہ نسیم شاہ نے اب تک انٹرنیشنل کرکٹ میں پاکستان کی نمائندگی نہیں کی لیکن وہ ڈومیسٹک کرکٹ میں اپنی تیز باو¿لنگ اور باو¿نسرز کے لیے شہرت رکھتے ہیں۔دورہ آسٹریلیا کے لیے جانے سے قبل ہی نسیم شاہ نے اپنے انتخاب کو درست ثابت کرتے ہوئے فارم کا بھی ثبوت پیش
کیا۔پاکستان کے سب سے بہترین ڈومیسٹک ٹورنامنٹ قائد اعظم ٹرافی میں سینٹرل پنجاب کی نمائندگی کرنے والے فاسٹ باو¿لر نے اپنی شاندار باو¿لنگ سے سندھ کی بیٹنگ لائن کو تہنس نہس کرتے ہوئے ٹیم کی پوزیشن کو مستحکم کردیا۔فیصل آباد میں میچ کے دوران سینٹرل پنجاب کی ٹیم پہلے کھیلتے ہوئے 313 رنز بنا کر آو¿ٹ ہو گئی تھی، احمد شہزاد، کامران اکمل اور فہیم اشرف نے نصف سنچریاں اسکور کی تھیں۔جواب میں فواد عالم نے 92 اور سعد علی نے 81 رنز کی اننگز کھیلیں لیکن اس کے باوجود ٹیم سندھ صرف 256 رنز پر ڈھیر ہو گئی جس کی وجہ نسیم شاہ تھے۔16سالہ فاسٹ باو¿لر نے عمدہ فاسٹ باو¿لنگ کرتے ہوئے 78 رنز دے کر 6وکٹیں حاصل کیں اور اپنی ٹیم کی پوزیشن کو مضبوط بنانے میں اہم کردار ادا کیا۔واضح رہے کہ موجودہ فرسٹ کلاس سیزن میں کسی بھی باو¿لر کی جانب سے پہلی مرتبہ ایک اننگز میں 5وکٹیں لی گئی ہیں۔سینٹرل پنجاب کی نمائندگی کرنے والے نسیم شاہ قائد اعظم ٹرافی کے 4میچز میں اب تک 15وکٹیں لے چکے ہیں۔بعدازاں پی سی بی سے گفتگو کرتے ہوئے نسیم شاہ کا کہنا تھا کہ دورہ آسٹریلیا سے قبل 6وکٹیں لینے سے میرے اعتماد میں بہت اضافہ ہوا ہے اور میں بہت اچھا محسوس کر رہا ہوں۔انہوں نے کہا کہ میچ سے قبل مصباح الحق اور وقار یونس سے بات ہوئی تھی اور انہوں نے مجھے طویل اسپیل کرتے ہوئے اپنی بہترین کارکردگی دکھانے کی ہدایت کی تھی اور مجھے خوشی ہے کہ میں مکمل رفتار اور سوئنگ کے ساتھ باو¿لنگ کرنے میں کامیاب رہا۔یاد رہے کہ قومی ٹیم کے ہیڈ کوچ اور چیف سلیکٹر مصباح الحق نے نسیم شاہ کو دورہ آسٹریلیا کے لیے سرپرائز پیکج قرار دیا تھا۔مصباح نے کہا تھا کہ نسیم شاہ ڈومیسٹک کرکٹ میں چار روزہ میچوں میں اچھی باو¿لنگ کر رہے ہیں اور سب سے اچھی بات یہ ہے کہ ہر اسپیل میں ان کی رفتار برقرار رہتی ہے جبکہ آسٹریلیا کی کنڈیشنز سے بھی انہیں معاونت ملے گی لہٰذا ہم سب ان کی ٹیم میں موجودگی پر بہت خوش ہیں۔پاکستانی ٹیم آسٹریلیا کے خلاف 3 نومبر سے شروع ہونے والے ٹی20 سیریز کے ذریعے اپنی مہم کا آغاز کرے گی جس کے بعد دونوں ٹیمیں ٹیسٹ سیریز میں نبردآزما ہوں گی۔
