نواز شریف کی طبیعت میں بہتری ، پلیٹ لیٹس لگنے کے بعد سیلز کی تعداد 30 ہزار سے تجاوز کر گئی

لاہور: (ویب ڈیسک) سابق وزیراعظم میاں محمد نواز شریف کی طبیعت میں بہتری آنے لگی، مسلم لیگ ن کے قائد کو پلیٹ لیٹس لگنے کے بعد سیلز کی تعداد 30 ہزار سے تجاوز کر گئی۔ذرائع کے مطابق نواز شریف کے پلیٹ لیٹس سیلز کی تعداد 30 ہزار سے تجاوز کر گئے ہیں، تین میگا کٹ لگانے کے بعد نواز شریف کے پلیٹ لیٹس سیلز کی تعداد 24 ہزار تک پہنچ گئی تھی، انکی حالت بہتر اور خطرے سے باہر ہے، جسم سے کسی بھی قسم کی بلیڈنگ نہیں ہوئی۔ سابق وزیراعظم میاں محمد نواز شریف کی طبیعت گزشتہ روز خراب ہوئی تھی جس کے بعد انہیں سروسز ہسپتال میں علاج کے لیے لایا گیا تھا، جہاں ایسی خبریں آئیں تھی کہ ان کے خون میں سفید خلیے خطرناک حد تک کم ہو گئے ہیں، تاہم اب ان کی طبیعت میں بہتری آنے لگی ہے، مسلم لیگ کے قائد کو دوسری میگا کٹ لگاد ی گئی ہے۔سروسز ہسپتال ذرائع کے مطابق ایک میگاکٹ لگانے سے 8 سے 10 ہزار پلیٹ لیٹس کا اضافہ ہوتا ہے، پلیٹ لیٹس کی تعداد 30 ہزارتک پہنچ گئی ہے۔