بھارت کی جنوبی افریقہ کو ایک اننگز 202 رنز کے بڑے مارجن سے شکست، ٹیسٹ سیریز تین صفر سے جیت لی

نئی دہلی(ویب ڈیسک): بھارت نے تیسرے ٹیسٹ میچ میں جنوبی افریقہ کو ایک اننگز اور 202 رنز کے بڑے مارجن سے شکست دے کر سیریز تین صفر سے جیت لی۔یہ بھارت کی جنوبی افریقہ کے خلاف ٹیسٹ میچز میں سب سے بڑی فتح ہے۔ آخری مرتبہ پروٹیز کو دو یا دو سے زیادہ ٹیسٹ میچز میں اننگز سے شکست کا سامنا 1935 میں آسٹریلیا کے خلاف کرنا پڑا تھا۔تین میچز پر مشتمل سیریز میں بھارت کے سلامی بلے باز روہت شرما نے 529 رنز بنائے جس پر انہیں مین ا?ف دی سیریز کا ایوارڈ دیا گیا۔جنوبی افریقہ اور بھارت کے مابین تیسرا ٹیسٹ میں رانچی میں کھیلا گیا جس میں ویرات کوہلی نے ٹاس جیت کر پہلے بلے بازی کا فیصلہ کیا۔