شاداب خان نے منا یا قومی ٹیم کے ہمراہ 21ویں سالگرہ کا جشن،کیاخو ب ہلہ گلہ

لاہو ر (ویب ڈیسک)قومی ٹیم کے نوجوان لیگ اسپنر شاداب خان نے 21سال کے ہو گئے اور انہوں نے قومی ٹیم کے ہمراہ کیک کاٹ کر اپنی 21ویں سالگرہ کا جشن منایا۔قومی ٹیم سری لنکا کے خلاف ٹی20 سیریز کی تیاریوں کے سلسلے میں ان دنوں لاہور میں موجود ہے اور قذافی اسٹیڈیم میں قومی ٹیم کی تیاریوں کا سلسلہ جاری ہے۔جمعہ کو پریکٹس کے لیے قذافی اسٹیڈیم روانگی سے قبل قومی ٹیم نے شاداب خان کی 21ویں سالگرہ کا جشن منایا اور اس دوران کیک بھی کاٹا گیا۔اس موقع پر کھلاڑیوں نے شاداب کو سالگرہ کی مبارکباد دی اور لیگ اسپنر نے ساتھی کھلاڑیوں کو کیک بھی کھلایا۔سماجی رابطوں کی ویب سائٹ انسٹا گرام پر کیک کاٹنے کی ویڈیو شیئر کی گئی جس میں تمام کھلاڑی خوشگوار موڈ میں شاداب کو مبارکباد دیتے ہوئے نظر آئے۔کھلاڑیوں کے کیک کھانے کے بعد مصباح الحق نے ازراہ مذاق کہا کہ جن جن کھلاڑیوں نے کیک کھایا ہے ان سے میدان کے چار چار چکر لگواو¿ں گا۔