لاہور(ویب ڈیسک) ورلڈکپ میں تنقید کا سامنا کرنے کے بعد قومی کرکٹرز می ٹو مہم کی زد میں آگئے ، عماد وسیم، امام الحق کے بعد شاہین شاہ آفریدی کی ویڈیو کال کے سکرین شاٹس وائرل ہوئے جب کہ اگلے شکار کے طور پر فخر زمان اور حسن علی کانام لیاجارہاہے۔ سب سے پہلے عماد وسیم پر افغان لڑکی کے ساتھ شادی کے وعدوں سے انکار کا سکینڈل منظر عام پر آیا جس پر وہ کئی دنوں تک سوشل میڈیا کی زینت بنے رہے تاہم معاملہ دم توڑ گیا۔چند روز قبل امام الحق کی نازیبا تصاویر، میسجز اور ویڈیوز وائرل ہوئیں،امام الحق نے اس واقعہ کے بعد پی سی بی حکام سے ملاقات کرکے معافی مانگ لی اور سوشل میڈیا صارفین نے ان پر الزام لگانے والی لڑکی کے در اصل لڑکا ہونے کا دعوی کردیا۔ابھی امام الحق کی تصاویر دیکھ کر لوگ حیران تھے کہ شاہین شاہ آفریدی کی وڈیو کالز کے سکرین شاٹ بھی سوشل میڈیا پر لگادئیے گئے جو چند منٹوں میں لاکھوں شائقین نے دیکھے۔مقامی اخبار کے مطابق می ٹو مہم چلانے والوں کے ایک پیغام میں قومی ٹیم کے اوپنر فخرزمان اورفاسٹ با?لر حسن علی کے سکینڈل کابھی کہاگیاہے۔ ایسے واقعات کا بڑھنا پاکستان کرکٹ بورڈ کیلئے لمحہ فکریہ ہے جس کیلئے مناسب اقدامات وقت کی اہم ضرورت ہیں۔
