نئی دہلی(خصوصی رپورٹ)قومی کرکٹ ٹیم کے پیسر حسن علی کی شادی کی تاریخ سامنے آگئی ہے۔ قومی کرکٹر کی ہونے والی اہلیہ کے مبینہ والد لیاقت علی نے کی جانب سے بھی بیان سامنے آیا ہے کہ ان کی بیٹی کی شادی 20 اگست کو ہو گی۔ حسن علی ٹویٹر پیغام میں بتایا تھا کہ واضح کرناچاہتاہوں ابھی شادیطے نہیں ہوئی، ہمارے والدین کے درمیان ملاقات میں شادی کے معاملات طے ہوں گے،ان کا کہنا تھا کہ شادی سے متعلق اعلان جلد کردوں گا۔دوسری جانب حسن علی کی ہونے والی اہلیہ کے طور پر ایک خاتون شامیہ آزمین آحمدی کی تصاویر وائرل ہو رہی ہیں۔ اب ایک ٹویٹر صارف نے اس نام سے انسٹاگرام پر موجود ایک اکانٹ شئیر کیا ہے جس میں دیکھا جاسکتا ہے کہ شامیہ آزمین آحمدی کی پہلے ہی شادی ہو چکی ہے اور وہ ایک بچے کی ماں بھی ہیں۔ٹویٹر صارف کا کہنا ہے کہ جس لڑکی کو حسن علی کی ہونے والی اہلیہ کے طور پر دکھایا جا رہا ہے وہ اصل میں کوئی اور ہے۔ جبکہ خاندانی ذرائع کے مطابق شادی کی تقریب میں 30 افراد شرکت کرینگے کسی قومی کرکٹر کو مدعو نہیں کیا گیا، حسن علی نے شادی کیلئے سرخ شیروانی سلوالی ہے، ذرائع نے بتایا کہ شامیہ نے انگلینڈ میں انجینئرنگ کی تعلیم حاصل کی وہ والدین کے ساتھ دبئی میں مقیم ہیں جبکہ ان کی فیملی کے دیگر افراد نئی دہلی میں مقیم ہیں۔ حسن علی کا شامیہ سے نکاح 20 اگست کو ہونے کا امکان ہے جس کے لئے دبئی میں فائیو سٹار ہوٹل میں بکنگ بھی کرائی گئی ہے۔ ذرائع نے مزید بتایا کہ فی الحال حسن علی اور شامیہ کی نکاح کی تقریب ہوگی جس کے بعد رخصتی اور ولیمہ آئندہ سال ہوگا۔
