لاہور(مانیٹرنگ ڈیسک)ورلڈ کپ ٹرانسمیشن پر مبنی چینل فائیو کے پروگرام ”دی ورلڈ کپ شو“ میں گفتگو کرتے ہوئے سابق فرسٹ کلاس کرکٹر طاہر شاہ نے کہا ہے کہ بنگلہ دیش کی ٹیم بھارت کیخلاف کمزور نظر آئی، پاکستان کیخلاف کھیلتے ہوئے بالکل ہی تھک جائیں گے۔ انڈیا کرکٹ ٹیم ورلڈ کپ ٹیموں میں بہترین ٹیم ہے اس لیے بھی بنگلہ دیش کی ٹیم کی کارکردگی زیادہ اچھی نہیں رہی۔ پاکستان کو بنگلہ دیشن کیخلاف اپنا اگلا میچ بھرپور طریقے سے کھیلنا اور جیتنا چاہیئے۔ بھارتی پاکستان سے شدید نفرت کرتے ہیں اور نیچا دکھانے کے لیے کسی بھی حد تک جاسکتے ہیں۔ پاکستان بھارت سے میچ جیتتا ہے تو بھارت میں قیامت آجاتی ہے۔ ورلڈ کپ کے دوران قومی کرکٹ ٹیم کے کھلاڑیوں کو زخمی کرنے اور بلوچستان کے حوالے سے بینر لگا جہاز اڑانے میں بھارت کا ہاتھ ہے، افغانی لوگ ایسا نہیں کر سکتے یہ را کروارہی ہے۔ پاکستان آرمی نے بھی اشارہ دیا ہے کہ ان کاروائیوں میں کوئی اور قوت ملوث تھی۔ پاکستانی طاقتور لوگ ہیںاور پاک فوج دنیا کی بہترین فوج ہے ، ہمیں کمزور نہ سمجھا جائے۔ بھار ت نے لاہور میں سری لنکا کرکٹ ٹیم پر حملہ کروایا جسکی وجہ سے پاکستان سے کرکٹ چلی گئی۔ بھارت کو پاکستان کی کوئی خوشی نہیں بھاتی۔ پاکستان کرکٹ ٹیم میں بابر اعظم اچھا کھلاڑی ہے انہیں اپنی کمزور کلائی مضبوط کرنی چاہیئے۔شاہین آفریدی کیوجہ سے پاکستان ٹیم میچز جیت رہی ہے۔ مصباح الحق کو پاکستان کرکٹ ٹیم کا کوچ یا سلیکٹر بنانا چاہیئے۔ راشد لطیف، عبدالرزاق، محمد یوسف اور یونس خان کی کرکٹ کے لیے خدمات لینی چاہئیںیہ لوگ بہترین ٹیم بنا کر دیں گے۔ وزیراعظم پاکستان کو چیف سلیکٹر کرکٹ بورڈ کیخلاف سخت ایکشن لینا چاہئیے اور کوچ کی چھٹی کروا کر پاکستان سے کوچ لینا چاہیے۔پاکستان کرکٹ بورڈ میں بھی ڈا?ن سائزنگ کر کے ہزاروں لوگوں کو نکال کر چند بہترین لوگوں کا انتخاب کرنا چاہیئے۔ کرکٹ بورڈ میں گندے انڈے بیٹھے ہوئے ہیں۔عمران خان سے اپیل ہے تمام ریجنز پر ایڈہاک لگا کر بوگس کلبز اور لوگوں کو الگ کریں۔سب سے پہلے اقبال باغ کی گرا?نڈ کو خالی کروا کر پچز بنائی جائیں۔ وزیراعظم سفارشی کلچر کا خاتمہ کریں جس نے کرکٹ کا بیڑہ غرق کر دیا ہے۔ 20سال سے لاہور کرکٹ کا چیئرمین کرکٹ کمیٹی ایک ہی ہے ، بورڈ کے کہنے کے باوجود انہیں کوئی نہیں نکالتا۔وہاب ریاض کو آرام کرنا چاہیئے تاکہ اگلے میچ میں اچھی کارکردگی دکھا سکیں۔ وہاب ریاض کی بہادری کو داد ہے کہ انہوں نے ٹوٹے ہوئے ہاتھ سے پاکستان کو جتوایا۔
