لاہور(مانیٹرنگ ڈیسک) سابق فرسٹ کلاس کرکٹر طاہر شاہ نے کہا ہے کہ انگلینڈ کے خلاف حسنین اچھا باﺅلر ثابت ہو سکتا ہے حسنین عباس سے بہتر ہے وہاب ریاض کو ٹیم میں ڈال کر عامر کو نکالنا چاہئے۔ چینل فائیو کے پروگرام گگلی میں گفتگو کرتے ہوئے انہوں نے کہا کہ کوچنگ سٹاف ،سکیورٹی سٹاف کیا آنکھیں موند کر سویا ہوا تھا۔کھلاڑیوں کو تنبیہ کرنی چاہئے اب کسی نے ایسی حرکت کی تو پابندی لگا دی جائے گی۔ پاکستان کے دو کرکٹر جس طرح کلب میں ڈانس کرتے دیکھے گئے یہ انتہائی شرمناک بات ہے اس سے ملک کی بدنامی ہوئی ۔انہوں نے کہا کہ عابد علی پر بھی بھروسہ کیا جا سکتا ہے فخر اور امام الحق کی کوئی پرفارمنس نہیں۔شاداب ون ڈے کا پلیئر ہے اسے کھلانا ضروری ہے۔انہوں نے کہا کہ نیوزی لینڈ کی بیٹنگ اور باﺅلنگ لائن کافی مضبوط ہے۔
