تازہ تر ین

وزیر اعظم عمران خان آج تھل ایکسپریس کا افتتاح کریں گے

ملتان (اے پی پی) وزیراعظم عمران خان کے احکامات پر ملتان اور راولپنڈی کے درمیان بحال کی جانے والی تھل ایکسپریس کا افتتاح (آج) منگل کو ہوگا، وزیراعظم عمران خان صبح سات بجے راولپنڈی ریلوے اسٹیشن پر تھل ایکسپریس کا افتتاح کریںگے۔ ملتان سے بھی صبح سات بجے ٹرین راولپنڈی کے لئے روانہ ہوگی۔ ٹرین کی روانگی کے موقع پر راولپنڈی میں ہونے والی تھل ایکسپریس کی افتتاحی تقریب ملتان ریلوے اسٹیشن پر براہ راست دکھائی جائے گی۔ ٹرین کی روانگی کی تیاریاں مکمل ہوچکی ہیں۔ اس موقع پر ملتان ریلوے اسٹیشن کو خوبصورتی سے سجایاگیا ہے۔ ملتان سے راولپنڈی تک جن ریلوے اسٹیشنوں پر اس ٹرین کاسٹاپ ہے وہاں بھی سجاوٹ کا اہتمام کیاگیا ہے۔ مختلف بینرز آویزاں ہیں جن پر وزیراعظم عمران خان اور وفاقی وزیر ریلوے شیخ رشید احمد کی تصاویر لگائی گئی ہیں۔وفاقی وزیر ریلوے شیخ رشید احمد بھی ٹرین کے ذریعے ملتان پہنچیں گے۔ڈویژنل سپرٹننڈنٹ ریلوے ملتان ڈویڑن امیرمحمدداﺅدپوتااپنے ڈویژنل ا فسران کے ہمراہ کندیاں اسٹیشن پروفاقی وزیربرائے ریلوے شیخ رشیداحمد کااستقبال کریں گے اور ان کے ہمراہ ملتان کینٹ اسٹیشن تک آئیں گے۔ ملتان کینٹ اسٹیشن پہنچنے پرڈپٹی ڈی ایس صائمہ بشیروفاقی وزیرکااستقبال کریں گی۔



خاص خبریں



سائنس اور ٹیکنالوجی


atomic-blast

تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv