سنچورین (وائس آف ایشیا) قومی ٹیم کے سینئر کھلاڑی شعیب ملک نے اپنے ٹی ٹونٹی کیریئر میں وہ کارنامہ سر انجام دے دیا ہے جو اے بی ڈیویلیئرز یا ویرات کوہلی بھی نہیں کرسکے تھے۔ شعیب ملک نے جنوبی افریقہ کے خلاف تیسرے ٹی ٹونٹی مقابلے کے دوران اپنے111ویں میچ میں 50واں کیچ تھاما جس کے ساتھ ہی وہ ٹی ٹونٹی کرکٹ میں کیچز کی نصف سنچری مکمل کرنے والے دنیا کے پہلے کھلاڑی بن گئے ہیں، اس فہرست میں جنوبی افریقہ کے ڈیوڈ ملر45کیچز کے ساتھ دوسرے اور سابق پروٹیز کپتان اے بی ڈیویلیئرز44کیچز تھام کر تیسرے نمبر پر موجود ہیں، بھارت کے ویرات کوہلی نے65میچز میں33کیچز تھامے تھے۔
