ممبئی (شوبزڈیسک) بالی ووڈ کی اداکارہ دیپکانے 2018کی سب سے زیادہ سٹائلش دلہن کا اعزازاپنے نام کرلیا۔ ٹائمز آف انڈیا فیشن اینڈ بیوٹی نے ٹوئٹرپرسال 2018 کی سٹائلش دلہن کے حوالے سے پول کرایا جس میں اداکارہ دیپکا پڈکون کو سب سے زیادہ 55 فیصد ووٹ ملے اور وہ 2018 کی موسٹ سٹائلش دلہن قرار پائیں،دیپکا کے بعد اداکارہ پریانکا چوپڑا کودوسرے نمبر پر سب سے زیادہ 18 فیصد ووٹ ملے، تیسرے نمبر پر 16 فیصد ووٹوں کے ساتھ ایشا امبانی رہیں جب کہ چوتھے نمبر پر اداکارہ سونم کپور کو 11 فیصد ووٹ ملے۔ واضح رہے گزشتہ برس بالی ووڈ کی ناموراداکارائیں شادی کے بندھن میں بندھیں۔
جن میں اداکارہ دپیکا پڈوکون، پریانکا چوپڑا، سونم کپور، نیہا دھوپیا اوربھارت کے امیر ترین بزنس مین مکیش امبانی کی بیٹی ایشا امبانی شامل ہیں۔
