کابل(ویب ڈیسک) افغانستان میں سونے کی کان دب گئی جس کے نتیجے میں 30 کان کن ہلاک اور 15 زخمی ہوگئے۔بین الاقوامی خبر رساں ادارے کے مطابق افغانستان کے صوبے بدخشاں میں سونے کی کان دھماکے کے بعد دب گئی، سونے کے کان میں موجود 30 کان کن ملبے تلے دب کر ہلاک ہوگئے۔ریسکیو ادارے نے امدادی کاموں کا آغاز کرتے ہوئے ملبے تلے دبے 15 کان کنوں کو زخمی حالت میں نکال کر قریبی اسپتال منتقل کیا، ملبے میں اب بھی کچھ کان کنوں کے پھنسے ہونے کا خدشہ ہے۔دوسری جانب طالبان جنگجوﺅں نے صوبے فراح سے 15 سرکاری اہلکاروں کو اغوا کرلیا ہے، مغویوں کو پشت رُود لے جایا گیا ہے۔ افغان سیکیورٹی فورسز نے مغویوں کو بازیاب کرانے کے لیے آپریشن کی تیاری کرلی ہے۔دوسری جانب افغان نیشنل فورسز نے جنوبی صوبے ہلمند میں طالبان کی ایک جیل پر چھاپا مار کر ایک درجن کے قریب قیدیوں کو رہا کرا لیا۔ طالبان نے یہ جیل ہلمند کے ضلع نہرِ سراج میں بنا رکھی تھی۔ادھر صوبے سمنگاہ میں پولیس چیک پوسٹ پر طالبان جنگجووئں کے حملے میں 2 اہلکار ہلاک ہوگئے جب کہ 3 اہلکار زخمی ہیں۔ حملے کے بعد طالبان جنگجو اپنے ہمراہ سرکاری اسلحہ بھی لے گئے۔
