حافظ آباد ( بیورو رپورٹ) 8سال قبل اغوا کے بعد قتل ہونے والے ٹیکسی ڈرائیور کی گاڑی پولیس آفیسر سے برآمد ، پولیس نے گاڑی پکڑنے کے بعد دوبارہ پیٹی بھائی کوعنایت کر دی، گاڑی تو مل گئی مگر قاتلوں کا سراغ نہ لگایا جا سکا، ورثا پولیس کے خلاف سراپا احتجاج، نصاف کے منتظر۔ سال قبل چک ٹھٹھہ مونا صلابت کے منور حسین کو گاڑی سمیت اغوا کر لیا گیا، اغوا 8کے 7روز بعد منور حسین کی لاش تو مل گئی مگر اس وقت گاڑی کا کچہ پتا نہ چلا، مقتول کی گاڑی ورثا کے پہچاننے پر حافظ آباد پولیس نے گاڑی پولیس آفیسر سے بر آمد تو کرلی مگر چند گھنٹوں بعد ہی دوبارہ اپنے پیٹی بھای کو واپس کر دی، مقتول منور حسین کی گاڑی تو مل گئی مگر آج تک پولیس قاتلوں کو ڈھونڈنے میں نا کام ہے، مقتول کے بوڑھے والدین جوان بیٹے کے قاتلوں کی گرفتاری کے لیے آج بھی در بدر کی ٹھوکریں کھانے پر مجبور ہیں، ورثا نے پولیس کے خلاف شدید احتجاج کرتے ہوئے قاتلوں کی فوری گرفتاری کا مطالبہ کیا ہے۔
