ابرار الحق قومی ٹی ٹوئنٹی کپ کے فائنل میں پرفارم کریں گے

ملتان(آئی این پی) ملتان میں جاری قومی ٹی ٹوئنٹی کپ کے فائنل میں نامور پاکستانی گلوکار ابرارالحق پرفارم کریں گے۔ملتان میں جاری ایونٹ کے چیمپئن کا فیصلہ 25 دسمبر کو ہوگا، شائقین کی زیادہ تعداد کے اسٹیڈیم کا رخ نہ کرنے کی وجہ سے روکھے پھیکے رہ جانے والے ٹورنامنٹ کی اختتامی تقریب کو موسیقی کا تڑکا لگایا جارہا ہے۔فیصلہ کن میچ کے وقفے میں گلوکار ابرار الحق اپنی آواز کا جادو جگائیں گے، فاتح اور رنرز اپ ٹیموں کے درمیان انعامات تقسیم کرنے کے بعد آتش بازی کا شاندار مظاہرہ بھی ہوگا۔ یاد رہے کہ ملتان میں قومی ٹی ٹوئنٹی ٹورنامنٹ کا آغاز 10 دسمبر کو ہوا تھا۔