لاہور ( جنرل رپورٹر)پنجاب کے تمام سرکاری تعلیمی اداروں میں عدالت کے حکم پر عملدرآمد کرتے ہوئے سیگریٹ پینے پر پابندی کویقینی بنانے کی ہدایت کر دی گئی ۔اس ضمن محکمہ تعلیم کی طرف سے مراسلہ بھجوایا گیا ہے جس میں لاہور سمیت تمام اضلاع کے ڈسٹرکٹ ایجوکیشن افسران کو ہدایت کی گئی ہے کہ وہ عدالتی حکم پر عملدرآمد کو یقینی بنائیں ،سکولوں کے اندر اور باہر سگریٹ کی خریدوفروخت کی حوصلہ شکنی کریں ۔قوانین پر عمل نہ کرنے والوں کے خلاف سخت کارروائی کی جائے ۔
