اسلام آباد (ویب ڈیسک) : حکومت نے پٹرول اور ڈیزل کی قیمت میں دو ، دو روپے فی لٹر کمی کا اعلان کر دیا۔ حکومت نے مٹی کے تیل میں تین روپے فی لٹر اور لائٹ ڈیزل کی قیمت میں 5 روپے فی لٹر کمی کر دی۔ تفصیلات کے مطابق وفاقی وزیر خزانہ اسد عمر نے پریس کانفرنس سے خطاب کرتے ہوئے کہا کہ میں پٹرول اور ڈیزل کی قیمتوں پر بات کرنا چاہتا ہوں۔انہوں نے بتایا کہ اکتوبر میں عالمی منڈی میں تیل کی قیمتوں میں اضافہ ہوا تھا۔اکتوبر میں ہی عالمی سطح پر پیٹرولیم مصنوعات کی قیمتیں مزید بڑھیں،اکتوبرمیں ہی پیٹرولیم مصنوعات میں قیمتوں میں عالمی سطح پر اضافہ ہوا لیکن ہم نے پٹرولیم مصنوعات کی قیمتیں نہیں بڑھائیں۔اکتوبر میں جتنی پٹرولیم مصنوعات کی قیمتیں بڑھیں حکومت نے آدھی قیمت بڑھائی۔ڈیزل پر لیویز ڈیوٹی 8 سے کم کرکے 6.51روپے کی۔ ن لیگ کے دور میں پٹرول پر 15 فیصد ٹیکس تھا۔ انہوں نے کہا کہ نئی حکومت آئی تو اگست کے آخر میں پٹرول کی قیمتیں کم ہوئیں۔ اس سے قبل مئی میں پٹرول پر جی ایس ٹی 15 فیصد سے کم کرکے ساڑھے 4 فیصد کیا گیا تھا۔ وفاقی وزیر خزانہ اسد عمر نے کہا کہ اب نومبر میں پٹرولیم پرائس انٹرنیشنل طور پر کم ہونا شروع ہوئی. نومبر میں پٹرولیم مصنوعات کی چار شپس آئیں۔
