”کب تک وزیراعظم رہیں گے“معروف ماہر علم ونجوم نے عمران خان کے اقتدار بارے چونکا دینے والی پیشنگوئی کر دی

اسلام آباد، لاہور(ویب ڈیسک) پاکستان تحریک انصاف کی حکومت اور عمران خان کے وزیراعظم بنے 100دن ہونے کے قریب ہیں اور اس دوران معاشی حالات اور مذہبی جماعتوں کے احتجاج سمیت حکومت کو کئی چیلنجز کا سامنا کرنا پڑا لیکن اب ایک ماہرعلم نجوم نے دعویٰ کیاہے کہ عمران خان آئندہ 10سال کیلئے پاکستان کے وزیراعظم رہیں گے ، یہ وہی ماہرنجوم ہیں جنہوں نے یوسف رضاگیلانی کے وزیراعظم بننے کی بھی پیشن گوئی کی تھی۔چوہدری غلام حسین نے بتایاکہ ابھی تک کوئی بندہ ذہنی طورپر اس کیلئے تیار نہیں لیکن آپ کو خبردے رہے ہیں کہ ملتان سے تعلق رکھنے والے ماہرفلکیات عمرفاروق نے وزیراعظم عمران خان کی تاریخ اور جگہ پیدائش کہیں سے حاصل کرلی ہے اور ان کاکہناہے کہ عمران خان کے پہلے ہاﺅس میں مریخ بیٹھاہے ، وہ فیصلے تیزی سے کررہے ہیں اور وزیراعظم کے گھر کا مالک زحل ہے جو سترہ، اٹھارہ ڈگری میں لبراپر بیٹھا ہواہے جو بہترین پوزیشن ہے۔ عمرفاروق کاکہناہے کہ عمران خان کسی کو پسند آئے یانہ آئے، اگلے ایک عشرے کیلئے وہ پاکستان کے وزیراعظم رہیں گے ، اگراہل علم اس کے برعکس رائے دیناچاہیں تو بھی بتائیں۔چوہدری غلام حسین کے مطابق عمرفاروق نے فون کرکے بتایاکہ کوئی شخص عمران خان سے خلاف قاعدہ کام نہیں لے سکتااورقوم کی خدمت کرنے سے متعلق سوال پر عمرفاروق نے بتایاکہ عمران خان قوم کو ریلیف دے گا اور قانون کے تحت رہ کر ہی کام کرے گا۔چوہدری غلام حسین نے واضح کیاکہ عمرفاروق نے ہی عہدہ ملنے سے ایک سال قبل یوسف رضاگیلانی کو وزیراعظم بننے کی پیشن گوئی کی تھی تو یوسف رضاگیلانی نے ماننے سے انکار کردیاتھااور ان کاموقف تھاکہ ابھی بھٹوفیملی موجود ہے تو میں کیسے وزیراعظم بن سکتا ہوں لیکن کچھ عرصہ بعدصورتحال بدل گئی۔