جیل میں قید خاتون کے 4 بچے مرگئے، پھر سپریم کورٹ نے کیا فیصلہ سنایا؟ بڑی خبر آگئی

اسلام آباد (ویب ڈیسک) سپریم کورٹ آف پاکستان نے منشیات سمگلنگ کے کیس میں قید خاتون یاسمین بی بی کی سزا میں کمی کرتے ہوئے اس کی رہائی کا حکم دے دیا۔یاسمین بی بی کو 5 کلو چرس برآمد ہونے پر سزا سنائی گئی تھی۔ جس وقت یاسمین بی بی جیل میں موجود تھی تو اس کے 4 بچے تھیلیسیما کے باعث مر گئے جبکہ خود مجرمہ بھی ہیپاٹائٹس کے مرض میں مبتلا ہوچکی ہے۔ سپریم کورٹ میں کیس کی سماعت کے دوران قائم مقام چیف جسٹس گلزار احمد نے کہا یہ کیا ہورہا ہے؟ یہ کلاسک کیس ہے ، حالت دیکھ کر مدد کی جائے۔ اس طرح کی صورتحال ہماری ریاست کی بہت بڑی ناکامی ہے۔جسٹس مظہر عالم میاں خیل نے کہا کہ خاتون کو تو گرفتار کرلیا گیا لیکن اس سے سمگلنگ کرانے والے اصل مجرموں تک کوئی نہیں پہنچتا۔ عدالت نے مجرمہ کی سزا میں کمی کرتے ہوئے اس کی رہائی کا حکم دے دیا۔