پی ایس ایل فرنچائززکی پنجاب حکومت سے ٹیکس معاف کرنیکی درخواست

لاہور(نیوزایجنسیاں) چیئرمین پی سی بی احسان مانی اور پی ایس ایل فرنچائز پشاور زلمی کے اونر جاوید آفریدی نے گزشتہ روزلاہور میں وزیر اعلی پنجاب عثمان بزدار سے ملاقات کی۔اس موقع پر فرنچائزز کیلیے ٹیکس میں چھوٹ کی درخواست کی گئی، واضح رہے کہ 14 نومبر کو انوائس جاری ہونے کے باوجود پی ایس ایل فرنچائزز فیس کی ادائیگی سے گریزاں ہیں۔ان کا مطالبہ ہے کہ بغیر ٹیکس کے رقم لی جائے۔،اعلی حکومتی شخصیات سے ملاقات کر کے ٹیکس کی معافی کیلیے جاوید آفریدی اور سلمان اقبال پر مشتمل دو رکنی کمیٹی قائم کر دی گئی تھی، اسی سلسلے میں وزیراعلی سے ملاقات کی گئی،اگلے برس پی ایس ایل کے چار میچز لاہور میں ہونے ہیں،اس حوالے سے بھی تبادلہ خیال کیا گیا۔